अन्तर्राष्ट्रिय नेपाली साहित्य सम्मेलन युरोपस्थित पोर्चुगलको राजधानी लिस्बनमा सम्पन्न भएको छ । सम्मेलनमा बिभिन्न देशमा छरीएर रहेका नेपाली साहित्यीक स्रष्टाहरुको सहभागिता रहेको थियो । नेपाली साहित्यको जर्गेना, संरक्षण र बिश्वभर फैलाउने उद्धेश्यले सम्मेलन गरीएको आयोजकले जनाएको छ । एनआरएनएका आईसीसी केन्द्रीय सदस्य, नेपाल पत्रकार महासंघ युरोप शाखाका उपाध्यक्ष तथा युरोपनेपाली खबरका प्रधानसम्पादक राजकुमार थापाले नेपाली भाषा, साहित्य, संस्कृतिको सम्बद्धृन र संरक्षण गर्न सम्मेलनले महत्वपूर्ण भुमिका निर्वाह गरेको बताए । पछिल्लो समय धेरै नेपाली युरोप जानेक्रम बढे पनि आफ्नो भाषा र संस्कृति प्रति त्यति नै इमान्दार रहेको भन्दै यसले युरोपमा रहेका नेपालीप्रति एकताको भाव सृजना गरेको बताए । पोर्चुगलमा रहेका नेपाली मात्र हैन, यसले खाडीमुलुकमा रहेका नेपाली, युरोपमा रहेका नेपाली र बिश्वभर छरीएर रहेका नेपालीबीच एकता र सहयोगको भावना बढेको थापाले बताए । अन्र्राष्ट्रिय सम्मेलनमा बिभिन्न देशबाट आएका साहित्यीक स्रष्टाहरुले साहित्यीक सृजना प्रस्तुत गरेका थिए । सम्मेलन तीनसम्म सञ्चालन भएको थियो । सम्मेलनमा साहित्यकार, बिशिष्ट व्यवसायी, समाजसेवीलगायतको सहभागिता थियो । पोर्चुगलमा लामो समयदेखि बसोबास गर्दे आएका थापाले पोर्चुगलमा मात्र हैन युरोपमा छरीएर रहेका नेपालीहरुलाई सहयोग गर्दे आएको र भविश्यमा समेत नेपाली एकताकालागि सहयोेग गर्ने प्रतिबद्धता जनाएका थिए ।